Joriy yilning 13-oktabr kuni O‘zbekiston Respublikasi Bosh vazirining o‘rinbosari – investitsiyalar va tashqi savdo vaziri Jamshid Xodjayev boshchiligidagi hamda vazirliklar, idoralar va tijorat banklari rahbarlaridan iborat Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari bo‘yicha Hukumat komissiyasi investitsiya dasturlarini amalga oshirish va hududiy eksport hajmini ko'paytirish bo'yicha olib borilayotgan ishlarni o'rganish maqsadida Jizzax viloyatiga jo'nab ketdi.

Yirik investitsiya loyihalarini amalga oshirish jarayonida Davlat komissiyasi a'zolari "World trading company" MCHJ, "Paxtakor teks" MCHJ, "Basalt wool" MCHJ, "ADM JIZZAX" MCHJ, "Farali textile", "Deya", "Jizzax kenteks" kompaniyalari hamda eksportga yo'naltirilgan turli xil mahsulotlarni ishlab chiqaradigan va ko'plab yangi ish o'rinlarini yaratgan boshqa ob'ektlarga tashrif buyurishdi.

Masalan, "Paxtakor teks" MChJda 470 kishi ishlaydi va uning mahsulotlari Rossiya, Turkiya, Polsha va MDH mamlakatlariga eksport qilinadi. "Basalt wool" MCHJ 193 mahalliy mutaxassisni ish bilan ta'minladi va yiliga ishlab chiqariladigan 32 ming tonna bazalt plitalaridan 20 mingtasini eksportga jo'natadi.

Mahalliy tadbirkorlar bilan muloqotda ham xususiy, ham tizimli muammolar aniqlanib, mamlakatimizda ishbilarmonlik muhitini yaxshilash bo‘yicha takliflar bildirildi. Ko‘tarilgan barcha masalalarni hal etish choralarini ko‘rish va kompleks yechimlar tayyorlashda konstruktiv takliflar ishlab chiqish yuzasidan mutasaddi rahbarlarga maqsadli topshiriqlar berildi.

Shu kuni Jamshid Xodjayev rahbarligida Jizzax viloyatini ijtimoiy-iqtisodiy rivojlantirish, sarmoyalarni keng jalb etish, loyihalarni o‘z vaqtida amalga oshirish, tadbirkorlikni qo‘llab-quvvatlash va aholi bandligini ta’minlash borasida amalga oshirilayotgan ishlar muhokamasiga bag‘ishlangan yig‘ilish bo‘lib o‘tdi.

Yig‘ilishda investitsiya dasturi doirasida yil yakuniga qadar umumiy qiymati 688,3 million dollarlik 389 ta loyiha amalga oshirilishi, 8 ming 800 ta yangi ish o‘rni yaratilishi ta’kidlandi. Loyihalarni sifatli va o‘z vaqtida amalga oshirish bo‘yicha zarur chora-tadbirlar ko‘rish yuzasidan mas’ul rahbarlarga topshiriqlar berildi.

Viloyatdagi eksport faoliyati natijalari ko‘rib chiqildi. Joriy yilning yanvar-sentyabr oylari yakunlariga ko‘ra, eksport hajmi 158,5 million dollarni tashkil etib, o‘tgan yilning shu davriga nisbatan 5 foizga ko‘pdir. Eksport yetkazib berish bo‘yicha har kuni monitoring olib borish va yuzaga kelgan barcha muammolarni tezkorlik bilan hal etish bo‘yicha topshiriq berildi.

Yig‘ilish yakunlari bo‘yicha vazirlik, idoralar, tijorat banklari va mahalliy davlat hokimiyati organlari rahbarlariga belgilangan vazifalar ijrosi yuzasidan qo‘shimcha topshiriqlar berildi.